Panxea

PANXEA nos cursos de verán da USC

admin — Tue, 10 Aug 2010 11:29:25 +0000

Dentro das Xornadas de verán da USC, a delegación de Mans Unidas coorganiza coa Universidade de Santiago as xornadas que levan por título: “Contra a fame, defende a Terra”, que se celebrarán os vindeiros días 8, 9 e 10 de setembro na Facultade de Ciencias Económicas e Empresariais en Compostela.

PANXEA participa nunha das comunicacións da tarde do día 9 falando sobre “O Comercio Xusto ante os retos da soberanía alimentaria e a sustentabilidade”.

Se estás interesado ou interesada, podes ver aquí o programa completo.

Charla sobre consumo responsable de ADICAE-Galicia

admin — Thu, 24 Jun 2010 11:16:09 +0000

O vindeiro venres día 25, ás 19:30 horas, a Asociación de usuarios de bancos, caixas de aforros e seguros, ADICAE-Galicia organiza xunto con PANXEA unha charla sobre Consumo Responsable destinada a todas aquelas persoas que queiran xuntarse para falar sobre o noso actual modelo e pautas de consumo e cómo podemos ir cara a un modelo de consumo máis consciente e responsable.

Será no local social de PANXEA, e estades todos e todas invitados.

Charla da AGHU en Panxea

admin — Tue, 22 Jun 2010 16:06:27 +0000

A Asociación Galega de Horticultura Urbana (AGHU), en colaboración con PANXEA, celebrará este Xoves 24 de Xuño as 20:00 no local de Panxea en Santiago de Compostela (Rúa da Rosa, 36), unha pequena charla seguida dunha mesa redonda sobre a horticultura hurbana nas cooperativas de consumo.

Xa sabedes que todo o mundo está invitado. O obxetivo é sobre todo impulsar, e entre todos, deseñar un método axeitado de creación e organización de grupos de horticultura urbana dentro das cooperativas, para cultivar parte dos alimentos frescos que consumimos.

Graciñas por todo e vémonos o xoves.

Preparamos para vostedes o mellor café de mundo!!

admin — Tue, 22 Jun 2010 10:48:24 +0000

“Na cooperativa La Reforma preparamos o mellor café do mundo para vostedes. Traballamos duro todo o ano, especialmente os dous meses da recolección”

Guadalupe en Panxea co café de Espanica que elas producen

Cando mercamos café de Nicaragua de Espanica estamos recibindo, entre outros, os esforzos das 50 familias da cooperativa La Reforma. Grazas a Gira por el Desarrollo tivemos a sorte de que Guadalupe del Carmen, que é a presidenta de La Reforma, nos contase en primeira persoa o traballo que hai detrás dunha taza de café. Moito. Moistisimo.

La Reforma vende o 60% da súa produción como comercio xusto a Espanica, aínda que lles gustaría que fose o 100% . Guadalupe explicounos como o pago digno polo seu traballo está a incidir na mellora real das condicións de vida da súa comunidade.

Eles pola súa parte fan unha aposta pola produción ecolóxica, aínda que lles supón unha baixada de productividade que compensan coa calidade do producto. Un café de altura, cultivado en sombra e totalmente ecolóxico. E como di Guadalupe cultivado con cariño por toda a comunidade. O mellor café do mundo.

Charla coloquio con produtores/as de café de Nicaragua

admin — Wed, 02 Jun 2010 10:06:27 +0000

O vindeiro xoves día 17 de xuño ás 20:00 horas, no local social de PANXEA (Rúa A Rosa, nº 36 baixo, Compostela) teremos unha charla coloquio con Carlos Osejo e Guadalupe del Carmen, membros de organizacións de produtores e comercializadores de café en Nicaragua que colaboran con Espanica, organización de comercio xusto coa que PANXEA colabora dende hai anos.

Será unha boa oportunidade de coñecer de primeira man tanto a realidade nicaragüense coma a experiencia de grupos de produtores e produtoras que traballan dende unha perspectiva de comercio xusto que engloba tanto a produción e comerclización do seu café como na loita por unha transformación social na súa realidade.

Estades todos e todas convidados (e haberá café, de Espanica, por suposto).

Curso sobre Comercio Xusto e Soberanía Alimentar

admin — Fri, 28 May 2010 15:33:38 +0000

Os vindeiros días 18 e 19 de xuño celebrarase en Lugo o curso “A práctica do Comercio Xusto dende a perspectiva da Soberanía Alimentar” organizado por A Cova da Terra, Xarxa de Consum Solidari, PANXEA, e o Espacio por un Comercio Justo.

O curso xira arredor de tres obradoiros impartidos por especialistas nas materias: “Modelos de produción alimentar” (Fernando Fernández), “Cooperación internacional no Comercio Xusto dende a perspectiva da Soberanía Alimentar” (Jordi Gascón), e “Soberanía Alimentar e Comercio Xusto como instrumentos políticos” (Xabier Montagut).

As prazas son limitadas, e a data límite de inscrición é o día 14 de xuño

Se queres mais información preme aquí

Presentación Viaxes Solidarias 2010

admin — Sun, 16 May 2010 19:11:10 +0000

O vindeiro sábado día 22 de maio ás 18:00 horas, PANXEA e a organización amiga SODePAZ presentarán no local social sito na rúa da Rosa nº 36, baixo as viaxes solidarias 2010 a México, Cuba, Palestina, Nicaragua, Ecuador, Bolivia, Perú e Arxentina.

Os que esteades interesados non tedes mais que pasar polo local a esa hora, tomarvos un café con nós e coñecer esta nova posibilidade de participar.

Se queres saber máis.

Presentación proxectos Mans Unidas

admin — Tue, 11 May 2010 09:09:44 +0000

Hoxe martes día 11 de maio, ás 20:00 horas, no Centro Social Caixanova (Praza Cervantes, Santiago de Compostela), a delegación de Santiago de Mans Unidas invítate a coñecer a realidade dos seus proxectos de desenvolvemento no Terceiro Mundo.

A encargada de contar o seu contacto cos proxectos de desenvolvemento que Mans Unidas esta apoiando na India será Purificación Vez, e tamén se proxectará un documental sobre a súa estancia neste país.

Videocrónica da inauguración

manuel — Wed, 05 May 2010 23:45:41 +0000

A festa de inauguración de Panxea aparece recollida na prensa local (Fonte: El Correo Gallego)

Contamos coa fantástica actuación do Coro da Ra, escoitade senón…

Comezamos coas cestas de produtos locais

admin — Tue, 04 May 2010 15:04:09 +0000

A partires desta semana, os socios e socias da cooperativa xa podedes mercar a través de PANXEA, ademais de toda a variedade de produtos da tenda, produtos de agricultores locais asociados no que antes era o Proxecto Amorodo, hoxe asociación Lentura.

Se queres coñecelos algo mais, aquí tedes o vídeo que fixo o programa Labranza, da Televisión de Galicia sobre a súa experiencia.

Proxecto Amorodo from zcminhoca on Vimeo.