Archivo de la Categoría “Consumo responsable”


O mellor de Panxea son os seus socios. Neste vídeo atoparás mil e un motivos para achegarte á nosa tenda…

Tags:

Comments No Hay Comentarios »

Finalizou xa o 2012, Ano Internacional das Cooperativas, pero nós non deixamos de lado a difusión deste modelo de organizarse, tamén no económico, dun xeito no que as persoas priman sobre os cartos.

Moitos e moitas seguro que xa nos víchedes na televisión, pero queremos comezar o ano enlazando esta reportaxe emitida no programa “A Revista”, da TVG, explicando o que facemos nas cooperativas de consumo consciente e responsable, neste caso en PANXEA.

Produtos sans e de calidade, que nos chegan directamente dende as persoas produtoras, a prezos xustos para as dúas partes, contribuíndo a fixar poboación no rural, e facendo rede e comunidade con outras persoas na cooperativa.

Se aínda non nos víchedes, aquí vos deixamos o enlace, e agardamos que vos guste!!!

Clicade aquí!

Tags: , , , , , ,

Comments No Hay Comentarios »

Ola a todos e todas!

Como xa teredes comprobado, ao final non houbo fin do mundo, pero dende PANXEA cremos que sí hai motivos para dar fin a este mundo que non nos gusta e comezar a construir xuntos e xuntas un outro mundo posible e máis necesario que nunca.

Un posible xeito de comezar é repensando qué imos agasallar este Nadal, e dende PANXEA queremos facervos algunhas propostas.

A primeira é facervos socios ou socias de PANXEA. Deste xeito non só contribuides a ser parte do cambio que estamos a construir e que nace dun apoio sostido ao comercio xusto, o consumo responsable, a soberanía alimentaria e a economía alternativa e solidaria, se non que ademais, pasades a ser protagonistas activos e activas xunto con outras persoas, traballando como colectivo e en rede, dese cambio. E todo iso sen esquencer que poderedes desfrutar, ademais dunha alimentación xusta e saudable para vós e para o planeta, dun montón doutras iniciativas como obradoiros de formación, videoforums, viaxes solidarias, exposicións, festas …

Tamén podedes agasallar participacións noutras iniciativas das que PANXEA é parte, como facervos socias de AIS O´Peto, FIARE, …, ou apoiar proxectos de “crowfunding” que tamén queremos difundir como “Grupo a grupo”, unha iniciativa dos compañeiros e compañeiras de SODePAZ, ou a proxecto de construción do Mercado de Economía Solidaria, de REAS-Red de Redes. Calquera destas iniciativas axuda a facer realidade outro xeito de facer economía, e por iso entendemos que pode ser un bo agasallo.

Se queres optar por algo máis convencional, recorda que tes ao teu dispor as cestas de agasallo de PANXEA, ou se o prefires, tamén temos as axendas e xogos educativos de Ekilikua, libros, bonecas, artesanía de comercio xusto, … En fin, que non tes excusa para que os teus agasallos non sexan tamén un xeito de contribuir a mudar as cousas, así que xa o sabedes, pasádevos por PANXEA e poñámonos en marcha!!!

Tags: , , , , , , , , , , , , , , , , ,

Comments No Hay Comentarios »

Ola a todos e todas.

Por se hai xente que aínda non o sabía, en PANXEA temos un servizo de “catering” para as vosas celebracións, encontros, xornadas, … que permite que disfrutedes de produtos de comercio xusto, produtos locais, ecolóxicos, …, e que poidades facer unha pausa no traballo pero non nos principios, apoiando deste xeito, tamén na práctica habitual, a nosa aposta polo comercio xusto, o consumo responsable, os produtos de pequenos produtores e produtoras locais, e a agroecoloxía.

O pasado mércores día 21 de novembro estivemos co Departamento de Centros Socioculturais do Concello de Santiago dentro do seu programa de Roteiros Didácticos pola cidade e as parroquias de Compostela desfrutando dunha merenda con zumes, galletas con paté, chocolates, … e posterior coloquio sobre a arte e a fotografía de Compostela.

Tamén estivemos o martes 27 deste mesmo mes coa xente de EAPN-Galicia no Seminario de Presentación do “Anuario del Tercer Sector de Acción Social 2012″ que coorganizaron coa Fundación Luis Vives no Museo Pedagóxico de Galicia, nesta ocasión, cun almorzo a base de café, leite, infusións, biscoitos, galletas con marmelada, zumes, …

Pois xa sabedes, se queredes disfrutar dunha “pausa-café” ou dunha merenda xusta para as persoas e para o medio ambiente xa sabedes onde a podedes atopar. Non dubidedes en poñervos en contacto connosco!!!

Tags: , , , , , , , ,

Comments No Hay Comentarios »

Pois un ano máis xa temos preparadas as CESTAS DE NADAL 2012-2013 na tenda de PANXEA!

Ademáis dos agasallos que xa podedes ver na tenda (xogos educativos, libros, artesanía, axendas, xoguetes, …), sabede que xa tedes na tenda de PANXEA a posibilidade de encargar as vosas cestas de Nadal para agasallar aos vosos amigos e amigas, familia, socias, clientas,…

Ofrecémosvos varias posibilidades, que van dende cestas de alimentación: de comercio xusto, cesta de produtos galegos, cesta de produtos ecolóxicos; e tamén cestas de cosmética, …

Velaquí tedes unha mostra, e recordade que todas elas son abertas e que podedes configuralas como queirades!!!

Podedes encargalas chamando por teléfono á tenda 981 93 72 38, no horario habitual; ou tamén podedes facer o voso pedido por correo-e ao enderezo “tenda(arroba)panxea.org”.

E recorda que se te fas socio ou socia agora poder disfrutar dende xa dos descontos na túa cesta e agasallos de nadal e non pagar nada ata xaneiro.

Este Nadal, transfire o teu consumo!

Tags: , , , , , , , , , , , , , ,

Comments 1 Comentario »

Estes días podemos ler as últimas novas relacionadas coa banca: desafiuzamentos, axudas públicas para o rescate (coas súas consecuencias de axuste económico e recortes de servizos esenciais como a educación, a sanidade, os servizos sociais ou a xustiza), despidos masivos de persoas traballadoras, perdas impostas a quen mercou produtos complexos (preferentes, subordinadas, …), etcétera.

E con todo isto levamos xa anos en que a banca é unha parte do problema, así que dende PANXEA hai xa un tempo que decidimos convertirnos en parte da solución, e nestes días queremos recordarvos algunhas accións significativas para dar pasos nesa liña.

A primeira é solicitarvos que asinedes nas follas da Iniciativa Lexislativa Popular pola dación en pago e a reforma da Lei Hipotecaria que podedes atopar en PANXEA (Rúa da Rosa, nº 36, baixo), ou na sede de EAPN-Galicia (Rúa da Muiña, nº 24). só tedes que pasar, asinar, e correr a voz.

Tamén podedes apoiar as iniciativas dos distintos grupos locais de traballo contra os desafiuzamentos, coma é o caso de “Stop Desahucios Compostela“, con presentación de escrito nos xulgados, concentracións de apoio a persoas obxecto de desafiuzamentos, …

Pero, aínda mellor, ademais destas accións de resistencia podemos pasar a ser parte da solución poñendo os nosos cartos a producir rendibilidade social e medioambiental alí onde cremos que deben estar. E nisto tamén en PANXEA somos e queremos seguir sendo parte activa deste proceso de liberación tamén no económico, e por iso somos punto de información de dúas das entidades de finanzas éticas que traballan en Galicia, por un lado A.I.S. O´Peto, que traballa o tema de microcréditos, e por outra banda Banca Popolare Etica-Fiare, a cooperativa de crédito que estamos a construir, e que esta semana daba un paso adiante coa entrada de 18 novas persoas socias dende Galicia.

E vós, ¿a qué estades agardando para convertirvos en parte da solución? Podedes informarvos mellor sobre calquera das iniciativas que vos comentamos pasándovos os martes pola tarde por PANXEA (de 17:00 a 20:30 horas), ou vía correo-e no enderezo “redes(arroba)panxea.org”

Tags: , , , , , , , , , , , , ,

Comments No Hay Comentarios »

Mañá sábado día 24 temos a Asemblea de outono de PANXEA, e aproveitamos para celebrar o noso XVII aniversario oficial como organización de comercio xusto e solidario e de consumo responsable en Compostela.

Con tal motivo a partires das 20:00 horas faremos unha pequena festa-celebración á que estades convidados todos e todas e na que ademais dunha degustación de produtos da tenda teremos tamén música en directo a cargo de “Bloody”, un grupo de xente que fai blues, soul e rock and roll dende Compostela.

Agardámosvos para festexar connosco o noso aniversario!!!

Tags: , , , , ,

Comments 2 Comentarios »

Esta fin de semana (sábado 17 e domingo 18) estaremos en Arzúa na Feira Ecolóxica Terractiva participando nun posto compartido con outras organizacións galegas de economía alternativa e solidaria.

Estades convidados e convidadas a participar en Terractiva e coñecer unha morea de iniciativas interesantes e tamén a moitos dos nosos proveedores e proveedoras que tamén teñen postos propios na Feira.

O sábado pola mañá os compañeiros e compañeiras de Zocamiñoca organizan un obradoiro sobre Consumo Consciente e Responsable, e pola tarde ás 17:30 horas dende PANXEA xunto con outras organizacións tamén faremos unha presentación do Mercado Social Galego, onde falaremos sobre as entidades de finanzas éticas con presenza en Galicia (AIS O´Peto, Coop´57, FIARE, Arç Cooperativa, …), e doutras iniciativas no eido da enerxía renovable como Som Energia, …

Tendes mais información da Feira na súa páxina web: http://www.terractiva.org/

Tags: , , , , , , , , , , , , , ,

Comments No Hay Comentarios »

Hoxe comezamos o día con enerxía, e enerxía da boa, da renovable, verde e cooperativa.

O prezo da luz ten subido o 70% nos últimos seis anos e as nosas tarifas son das mais caras de Europa nun mercado controlado por moi poucas megaempresas, tanto na produción como na venda final da electricidade. Ademais o noso país sigue apostando por enerxías moi contaminantes como a nuclear, o carbón ou o petróleo, en detrimento das enerxías renovables.

Por todo iso naceu en outubro de 2011 en Cataluña Som Energía, a primeira cooperativa de enerxía renovable, que trouxo un modelo que xa está moi desenvolvido e funcionando con éxito en países do norte de Europa, como o Reino Unido, os Países Baixos, Bélxica e Dinamarca. Alí, centos de miles de persoas son socias de cooperativas sen ánimo de lucro que lles proporcionan enerxía verde xerada por muíños eólicos, placas solares, plantas de biogás, etc.

Estes proxectos son moi caros se se intentan individualmente pero Som Energía ofrece é a oportunidade de aproveitar estas enerxías verdes a miles de persoas que apoian a idea de subministrar enerxía á súa casa con electricidade xerada localmente, de xeito limpo e sostible, e de unirse para que isto sexa posible. Ademais non só mercan enerxía renovable, tamén fomentan a inversión para novos proxectos de enerxías verdes.

A día de hoxe xa son parte de Som Energia case 4.000 socios e socias. Para unirse a este proxecto o primeiro paso é facerse socio/a inscribíndose na súa web (faite socio de Som Energia), facendo a achega de capital social (100€, reembolsable se decides abandonar a cooperativa). Una vez que sexades socios ou socias xa podedes facervos clientes e pasarvos a ser fogares consumidores de enerxías xeradas a partir de fontes renovables contratando a luz con Som Energia no formulario da súa web.

Ademais as socias e socios tamén teñen a oportunidade de participaren no financiamento de proxectos de investimento en prdución de enerxías renovables.

Se queredes mais información non dubidedes en consultar a súa web.

foto-familia-acte-fundacional1-1024x312

Tags: , , , , , , ,

Comments No Hay Comentarios »

E se onte comenzabamos co tema dos vídeos e documentais coas ferramentas para elaborar ou editar vídeos que vos comentabamos, hoxe presentámosvos novas ferramentas con contidos nesta materia.

A primeira que vos queremos presentar chámase: “El cine, el Mundo y los Derechos Humanos” e recolle moita información sobre cine e dereitos humanos con unidades didácticas, comentarios, … Paga a pena botarlle un ollo.

Nunha liña similar, a nivel galego, o Seminario Galego de Educación para a Paz, ten recollida unha interesante Videoteca, con películas e documentais con ou sen unidades didácticas a disposición de entidades, centros educativos, …

Outra web interesante é “Ver y Actuar“, un videoblogue para a difusión de vídeos, curtas e documentais con temáticas de valores, comercio xusto, consumo responsable, educación para o desenvolvemento, …

Por último, SODePAZ, a nosa organización irmá, e coa que PANXEA colabora nunha chea de iniciativas coma a rede Espacio por un Comercio Justo, ou as súas iniciativas de Viaxes Solidarias, tamén ten na súa páxina unha sección titulada “La Videoteca de Sodepaz” na que podedes atopar información sobre mostras de cine, teatro, concursos, …, ademais dun moi amplo catálogo e un bo buscador de películas.

Por último PANXEA tamén ten o seu espazo adicado aos audiovisuais na sección desta mesma web titulada “Panxea TV“, con películas e documentais sobre comercio xusto e consumo responsable, banca ética ou soberanía alimentaria, ademais de recordarvos que no noso Centro de Recursos na Rosa nº 36 baixo, tamén temos material audiovisual en préstamo.

Tags: , , , , , , , , , ,

Comments No Hay Comentarios »