Panxea

 A organización amiga, AIS “O Peto” organiza a V Xornada de Formación  tanto para as súas socias e socios, como para a cidadanía en xeral.

Será o 13 de marzo, no horario de 10:30 a 13:30 horas e de 16:30 – 19:30 horas, na Galería Sargadelos de Santiago de Compostela (Rúa Nova 16) e versará sobre “Consecuencias do capitalismo: crisis global e alternativas”, impartida por Luis González Reyes, coordinador de “Ecologistas en Acción-Madrid” 

 Pola maña reflexionarase sobre aspectos como: ¿como funciona o capitalismo?, causas da crise (reais, creadas…), e consecuencias do capitalismo: a crise global. Pola tarde falarase de alternativas, realidades que se coñecen que están a cambiar as cousas, …

 Se queres saber máis

PANXEA ven de participar na Escola de Outono que a rede “Espacio por un Comercio Justo” celebrou entre os días 8 e 11 de outubro en Almada (Portugal), xunto con 16 organizacións de Portugal, Ecuador, Brasil, Francia e diversos lugares do estado español.

O “Espacio por un Comercio Justo”, do que PANXEA é organización fundadora, é unha rede de 30 organizacións europeas que defenden unha visión alternativa e global do comercio xusto, dende o produtor ao consumidor, ligado á loita pola soberanía alimentar e contra as políticas comerciais da globalización neoliberal.

Entre os temas a debate, falamos da problemática da comercialización de produtos de comercio xusto en época de crise económica e da necesidade de diferenciar mellor a mensaxe das entidades do “Espacio” fronte a outras organizacións de comercio xusto menos críticas co modelo de comercio imperante, e de denunciar a utilización do comercio xusto por multinacionais da distribución que utilizan selos coma FLO para certificar os seus produtos.

O experto brasileño Euclides Mance deu a coñecer as experiencias das redes de colaboración solidaria no Brasil. Michel Besson, da rede francesa MINGA, falou dos procesos de certificación participativa, e a organización indíxena e labrega UNORCAC, de Ecuador, presentou o seu traballo nas comunidades locais no ámbito da soberanía alimentar.

Tamén se decidiu a participación do “Espacio por un Comercio Justo” na “Alianza por la Soberanía Alimentaria de los Pueblos (ASAP)”, ademais da difusión de diversos materiais relacionados co comercio xusto e a soberanía alimentar.

Xa tedes a disposición o vídeo-resumo das xornadas.

Xa tedes na sección Enlaces da “nosa-vosa” páxina novas webs e blogs de grande interese.

Recomendamos especialmente que visitedes o novo blog da Asociación de Interese Solidario O Peto, que recolle información non só da asociación e a súa actividade, senón tamén de múltiples temas relacionados coas finanzas éticas.

Recomendamos tamén que visitedes Telodoy, a páxina onde podes dar, regalar ou solicitar todo o que estimes pertinente, un bo xeito de pasar a unha economía de dar e compartir, en vez de apropiarnos continuamente de cousas.

As dúas van no camiño de novas formas de economía solidaria no que PANXEA tamén quere ser parte. Agardamos que vos gusten e sexan de utilidade.

O mércores día 29 de abril, e dentro das actividades que PANXEA organiza co gallo do día internacional do Comercio Xusto (próximo 9 de maio), dende as 20:00 horas no Centro Sociocultural do Ensanche (Rúa Frei Rosendo Salvado nº 14-16, ao pé da Praza Roxa), teremos entre nós a Carmen Ruiz, socia da Cooperativa Artesana de producción Agrícola “El Rosal”, na zona de Intag, cantón de Cotacachi, Ecuador.

Carmen é unha militante activa pola soberanía alimentar, o medio ambiente, o empoderamento da muller e a creación de tecido social, que xunto coas súas compañeiras e compañeiros levan anos de loita contras as empresas transnacionais da minería do cobre que pretenden devastar a reserva natural de Cotacachi-Cayapas, un dos lugares con máis biodiversidade e variedade de ecosistemas de sudamérica.

Agardamos a vosa presenza a partires das 20:00h. no Centro Sociocultural do Ensanche, onde poderemos coñecer de primeira man experiencias de autoxestión de mulleres no sur para facer fronte a depredación de recursos, culturas e poboacións, e en defensa da súa terra. Ao remate convidaremos a un café (de Ecuador) con leite (galega, por suposto) aos asistentes.

Charla Carmen Ruiz